నాలో ఏమి చూచి నీవు - nalo emi chusi neevu song lyrics

నాలో ఏమి చూచి నీవు  

ఇంతగా ప్రేమ చూపినావు (2)

మర్థ్యమైన లోకమందు 

నిత్యమైన కృపను చూపి 

నేటి వరకు తోడుండినావు 

యేసయ్యా యేసయ్యా నా యేసయ్యా (2)

నా తల్లి గర్భమునే నను కోరితివి

విశ్వాస గృహములో నన్ను చేర్చితివి (2) 

అమృత జలమైన నీ నోటి మాటలతో 

నిఖిల జగతికి నను పంపినావు 

ప్రకటింప నీ చరితం 

నా జన్మ నిజ ఫలితం (2)                " నాలో ఏమి " 

ఘనులైన వారే నీ యెదుటనున్ననూ 

బలమైన వారే ఎందరో ఉన్ననూ (2)

కన్నీళ్ల కడలిలో శ్రమల సుడులలో 

నా స్థితి చూచి నన్ను చేరదీసి 

మార్చితివి నీ పత్రికగా 

కడవరకు నీ సాక్షిగా (2)                  " నాలో ఏమి "

ప్రేమానురాగం నీ సంస్కృతియే 

కరుణా కటాక్షము నీ గుణ సంపదయే (2)

నలిగిన రెల్లును విరువని వాడా 

చితికిన బ్రతుకును విడువని వాడా 

నా పైన నీకెందుకు ఈ తరగని వాత్సల్యము (2) 

                                                 " నాలో ఏమి " 

ధవళ వర్ణుడవు రత్న వర్ణుడవు 

వర్ణణకందని అతి సుందరుడవు (2)

ఇరువది నలుగురు పెద్దల మధ్యలో 

మహిమా ప్రభావముతో సింహాసనము పై 

ఆశీనుడా యేసయ్యా నా స్తుతి నీకేనయ్యా (2) 

                                               " నాలో ఏమి "