పరిశుద్ధుడవై - parishuddhudavai song lyrics

పరిశుద్ధుడవై - మహిమ ప్రభావములకు నీవే పాత్రుడవు 

బలవంతుడవై - దీనుల పక్షమై కృప చూపువాడవు (2) 

దయాలుడవై ధారాలముగా 

నను దీవించిన  శ్రీ మంతుడా 

ఆరాధన నీకే నా యేసయ్యా 

స్తుతి ఆరాధన నీకే నా యేసయ్యా (2)    

                                                   " పరిశుద్ధుడవై "

నీ స్వాస్థ్యమైన నీ వారితో కలిసి నిను సేవించుటకు 

నీ మహిమ ప్రభావమును కిరీటముగా ధరింపచేసితివి (2)

శాశ్వత కాలము వరకు నీ సంతతి పై దృష్టి నిలిపి 

నీ దాసుల ప్రార్ధనలు సఫలము చేసితివి (2) 

                                                  " పరిశుద్ధుడవై "

నీ నిత్యమైన ఆదరణ చూపి నను స్థిర పరచుటకు 

నీ కరుణా కటాక్షమును నాపై కురిపించి నను ప్రేమించితివి 

                                                                     (2)

నాకు ప్రయోజనము కలుగ జేయుటకు 

నీ ఉపదేశమును బోధించి 

నీ దాసుని ప్రాణమును సంతోష పరచితివి (2) 

                                                 " పరిశుద్ధుడవై" 

ఆనందకరమైన దేశములో నేను నిన్ను ఘనపరచుటకు 

నీ మహిమాత్మ తో నింపి సురక్షితముగా నన్ను నివసింప చేసితివి       (2)

మేఘ వాహనుడవై వచ్చు వరకు నే 

కనిపెట్టుచుందును నీ కోసము 

నీ దాసుల కాంక్షను సంతోష పరచెదవు (2) 

                                                 " పరిశుద్ధుడవై "