నీవే శ్రావ్యసదనము - neeve sravyasadhanamu song lyrics

పల్లవి : 

నీవే శ్రావ్యసదనము - నీదే శాంతి సదనము

నీ దివి సంపద నన్నే చేరగా 

నా ప్రతి ప్రార్థన నీవే తీర్చగా 

నా ప్రతిస్పందనే ఈ ఆరాధన 

నా హృదయార్పణ నీకే యేసయ్యా         " నీవే " 

చరణం 1: 

విరజిమ్మే నాపై కృపాకిరణం 

విరబూసే పరిమళమై కృపా కమలం  (2)

విశ్వాస యాత్రలో ఒంటరినై 

విజయ శిఖరము చేరుటకు 

నీ దక్షిణ హస్తము చాపితివి 

నన్నాదుకొనుటకు వచ్చితివి 

నను బలపరచి నడిపించే 

నా యేసయ్యా (2)                             " నీవే "   

చరణం 2 :

నీ నీతి రాజ్యం వెదకితిని

నిండైన సాభాగ్యం పొందుటకు (2)

నలిగివిరిగిన హ్రుదయము తో 

నీ వాక్యమును సన్మానించితిని 

శ్రేయష్కరమైన దీవెన తో

శ్రేష్ఠ ఫలములను ఇచ్చుటకు 

నను ప్రేమించి పిలచితివి 

నా యేసయ్యా (2)                           " నీవే " 

చరణం 3 : 

పరిశుద్ధాత్మ కు నిలయముగా 

ఉపదేశమునకు వినయముగా (2)

మహిమ సింహాసనము చేరుటకు 

వధువు సంఘముగా మార్చుమయా 

నా పితరులకు ఆశ్రయమై 

కోరిన రేవుకు చేర్పించి 

నీ వాగ్దానం నెరవేర్చితివి 

నా యేసయ్యా (2)                         " నీవే "