లేచినాడు రా సమాధి - lechinadu raa samadhi song lyrics

లేచినాడురా సమాధి గెలిచినాడురా యేసు 

లేచినాడు రా సమాధి గెలిచినాడురా 

లేతునని తా జెప్పినట్టు 

లేఖనము లో పలికినట్టు               " లేచి "

1) భద్రముగా సమాధి పైని 

    పెద్ద రాతిని యుంచిరి భటులు - 

    ముద్ర వేసి రాత్రి యంత 

    నిద్ర లేక కావలి యున్న  (2)      " లేచి " 

2) ప్రభువు దూత పరము నుండి 

    త్వరగా దిగి రాతిని పొర్లించి 

    భళిరా దాని పై కూర్చుండె 

    భయము నొంద కావలి వారు      " లేచి " 

3) పొద్దు పొడవక ముందే స్త్రీలు 

    సిద్ధ పరచిరి సుగంధములు 

    శ్రద్ధ తోడ తెచ్చి యేసుకు 

    రుద్దుదామని వచ్చి చూడ          " లేచి " 

4) చూడ వెళ్లిన స్త్రీలను దూత 

    చూచి యపుడే  వారి తోడ 

    లేడు గలిలయ ముందుగా పోతున్నాడు 

    అప్పుడే లేచి నాడని                  " లేచి " 

5) చచ్చి పోయి లేచినాడు 

     స్వామి భక్తుల కగు పడినాడు 

     చచ్చినను నను లేపుతాడు 

     చావు అంటే భయ పడ రాదు     " లేచి "

6) నేను చేసే పనుల నెరుగు 

     నేను నడిచే మార్గ మెరుగు 

     నేను చెప్పే మాటలెరుగు 

     నేను బ్రతికే బ్రతుకు నెరుగు        " లేచి " 

7) నేను లేచిన యేసు నందు 

     మానక మది నమ్ముకొందు 

     తాను నాలో నుండినందున 

     దయను చేర్చు మోక్ష మందు     " లేచి " 

8) పాప భారము లేదు మనకు 

     మరణ భయము లేదు మనకు 

     నరక బాధ లేదు మనకు 

     మరువ కండి యేసు ప్రభుని      " లేచి " 

9) యేసు నందే రక్షణ భాగ్యం 

     యేసు నందే నిత్య జీవం 

     యేసు నందే ఆత్మ శాంతి 

     యేసు నందే మోక్ష భాగ్యo       " లేచి " 

10) పాపులకై వచ్చినాడు 

      పాపులను కరుణించి నాడు 

      పాపులను ప్రేమించినాడు 

       ప్రాణ దానము చేసినాడు      " లేచి "