రారే చూతము రాజ సుతుని - rare chuthamu song lyrics

రారే చూతము రాజ సుతుడీ రేయి జనన మాయెను 

రాజులకు రారాజు మెస్సియ రాజితంబగు తేజమదిగో (2)

                                                     " రారే చూతము "

దూత గణములన్ దేరి జూడరే  దైవ వాక్కులన్ దెల్పగా 

దేవుడే మన దీన రూపున ధరణికరిగే నీ దినమున (2)

                                                    " రారే చూతము " 

కల్ల కాదిది కలియు గాదిది గొల్ల బోయల దర్శనం 

తెల్ల గానదే తేజ రిల్లెడి తార గాంచను త్వరగా రారే (2)

                                                   " రారే చూతము " 

బాలుడడుగో వేల సూర్యుల బోలు సద్గుణ శీలుడు 

బాల బాలిక బాల వృద్ధుల నేల గల్గిన నాధుడు (2)

                                                   " రారే చూతము " 

యూద వంశము నుద్ధరింప దావీదు పురమున 

నుద్భవించే - సదమలంబగు మదిని గొల్చిన 

సర్వజనులకు సార్వ భౌముడు (2) 

                                                  " రారే చూతము "