హృదయమనెడు తలుపు - hrudhayamanedu thalupu song lyrics

హృదయమనెడు తలుపు నొద్ద యేసు నాధుండు = నిలిచి సదయు డగుచు దట్టుచుండు - సకల విధములను

1) పరుని పోలి నిలుచున్నాడు పరికించి చూడ - నతడు పరుడు కాడు రక్షకుండు ప్రాణ స్నేహితుడు   " హృదయ "

2) కరుణా శీలుం డతడు గానఁ  - గాచి యున్నాడు యేసు కరుణ నెరిగి  గారవింపఁ గరము న్యాయంబు" హృదయ "

3) ఎంత సేపు నిలువ బెట్టి  ఏడ్పిoతు రతని  = నాతన్ డెంతో దయచే బిలుచుచున్నాడుప్పుడు మిమ్ములను 

                                                             " హృదయ " 

4) అతడు మిత్రుడతడు - మిత్రుo - డఖిల పాపులకు మిర - లతని పిలుపు వింటిరేని - యతడు ప్రియుడగును 

                                                             " హృదయ "

5) జాలి చేత తన హస్తములన్ - జాపి యున్నాడు = మిమ్ము నాలింగనము చేయ గోరి యనిశము కనిపెట్టు 

                                                            " హృదయ " 

6) సాటి లేని దయగల వాడు - సర్వేశు సుతుండు = తన మాట వినెడు వారల నెల్ల సూటిగ రక్షించు " హృదయ " 

7) చేర్చు కొనుడి మీ హృదయమున శ్రీ యేసు నాధు - నతడు చేర్చు కొనుచు మీకిచ్చును - చిర జీవమున్ గృపను                                                " హృదయ " 

8) అతడు తప్పక కలుగ జేయు నఖిల భాగ్యములు - మీర లతని హత్తుకొందు రప్పు దానందము తోడ 

                                                         " హృదయ "

9) బ్రతుకి శాశ్వతంబు కాదు - పరికించి చూడన్ -గాన బ్రతికి యుండు కాల ముననే  - ప్రభుని గొలువండి 

                                                       " హృదయ "