దేవుని ప్రేమ ఇదిగో - devuni prema idhigo song lyrics

దేవుని ప్రేమ ఇదిగో జనులారా భావంబు నం దెలియరే = కేవలము నమ్ముకొనిన  పరలోక జీవంబు మనకబ్బును 

1) సర్వలోకము మనలను తన వాక్య  సత్యంబుతోన్ జేసేను =  సర్వోపకారుడుండే మన మీద  మన మీద జాలి పరుండై యుండెను                               " దేవుని " 

2) మానవుల రక్షింపను దేవుఁడు తన కుమారుని బంపెను -  మన శరీరము దాల్చెను ఆ ప్రభువు మన పాప మునకు దూరుడే                                              " దేవుని " 

3) యేసు క్రీస్తను పేరున రక్షకుడు వెలసి నాడిల లోపల = దోసకారి జనులతో నెంతోను భాషలను బల్కినాడు 

                                                         " దేవుని " 

4) పాప భారంబు తోడ నే ప్రొద్దు ప్రయాసములన్ పొందె డి

= పాపులందరు నమ్మిన విశ్రాంతి పరి పూర్ణ మిత్తుననెను 

                                                         " దేవుని " 

5) సతులైన పురుషులైనన్  యా కర్త సర్వ జనుల యెడలను - సత్ర్పేమగ నడచెను - పరలోక సద్భోదలిక చేసెను                                              " దేవుని " 

6) చావు నొందిన కొందరిన్ - యేసుండు చక్కగా బ్రతికించెను = సకల వ్యాధుల రోగులు - ప్రభు నంటి  స్వస్థoబు తామొందిరి                        " దేవుని " 

7) గాలి సంద్రపు పొంగులన్ సద్దనపై నీలపై నడచి నాడే - 

మేలు గల యద్భుతములు ఈ లాగు వేలకొలదిగా జేసేను

                                                      " దేవుని " 

8) చేతుల కాళ్ళలోను రారాజు చేర మేకులు బొందెను - 

పాతకులు గొట్టినారే =  పరిశుద్ధ నీతి తా మోర్వలేకన్ 

                                                     " దేవుని "     

9) ఒడలు రక్తము గారగా దెబ్బలు చెడుగులందరు గొట్టిరి - 

= వడి ముళ్ళు తలమీదను బెట్టిరి ఓర్చేనో   రక్షకుండు 

                                                    " దేవుని " 

10) ఇన్ని బాధలు బెట్టుచు - దను జంపు చున్న - పాప నరులను - మన్నించు మని తండ్రిని - యేసుండు సన్నుతి తో వేడెను                                     " దేవుని " 

11) రక్షకుడు శ్రమ పొందగా - దేశము తక్షణము చీకటయ్యెన్ =రక్షకుడు మృతి నొందగన్ తెర చినిగి రాతి కొండలు పగిలెన్                            " దేవుని " 

12) రాతి సమాధి లోను - రక్షకుని నీతి గల దేహంబును 

= పాతి పెట్టిరి భక్తులు - నమ్మిన - నాతు లందఱు చూడగా

                                                  " దేవుని "  

13) మూడవ దినమందున యేసుండు మృతి గెల్చి లేచినాడు = నాడు నమ్మిన మనుజులు - చూచిరి నలుబది దినములందున్                           " దేవుని "

14) పదునొకండు మారులు - వారలకున్ -ప్రత్యక్షు డాయె

నేసు = పరలోకమున కేగెను - తన వార్తన్ తన వాక్కున్ బ్రేకటించు మని పల్కెను              " దేవుని "

15) నమ్మి బాప్తిస్మ మొందు  - నరులకు రక్షణ మరి కల్గును 

 = నమ్మనొళ్ళక పోయెడు - నరులకు నరకంబుసిద్ధమనెను

                                                " దేవుని "